TUGAS MULYA ULAMA: NGAJAGA WARISAN NABI

 KHUTBAH KAHIJI

إنَّ الْحَمْدَ لِلَّهِ, نَحْمَدُهُ, وَنَسْتَعِينُهُ, وَنَسْتَغْفِرُهُ, وَنَعُوذُ بِاللَّهِ مِنْ شُرُورِ أَنْفُسِنَا, وَسَيِّئَاتِ أَعْمَالِنَامَنْ يَهْدِهِ اللَّهُ فَلاَ مُضِلَّ لَهُ, وَمَنْ يُضْلِلْ فَلاَ هَادِيَ لَهُ,أَشْهَدُ أَنْ لاَ اِلَهَ اِلاَّ اللهُ وَحْدَهُ لَاشَرِيْكَ لَهُ، شَهَادَةَ مَنْ هُوَ خَيْرٌ مَّقَامًا وَأَحْسَنُ نَدِيًّا.

وَأَشْهَدُ أَنَّ سَيِّدَنَا محَمَّدًا عَبْدُهُ وَرَسُوْلُهُ الْمُتَّصِفُ بِالْمَكَارِمِ كِبَارًا وَصَبِيًّا.

اَللَّهُمَّ فَصَلِّ وَسَلِّمْ عَلَى سَيِّدِنَا مُحَمَّدٍ كَانَ صَادِقَ الْوَعْدِ وَكَانَ رَسُوْلاً نَبِيًّا، وَعَلَى آلِهِ وَصَحْبِهِ الَّذِيْنَ يُحْسِنُوْنَ إِسْلاَمَهُمْ وَلَمْ يَفْعَلُوْا شَيْئًا فَرِيًّا، أَمَّا بَعْدُ، فَيَا أَيُّهَا الْحَاضِرُوْنَ رَحِمَكُمُ اللهُ، اُوْصِيْنِيْ نَفْسِيْ وَإِيَّاكُمْ بِتَقْوَى اللهِ، فَقَدْ فَازَ الْمُتَّقُوْنَ.

قَالَ اللهُ تَعَالَى :

وَاِذْ اَخَذَ اللّٰهُ مِيْثَاقَ الَّذِيْنَ اُوْتُوا الْكِتٰبَ لَتُبَيِّنُنَّهٗ لِلنَّاسِ وَلَا تَكْتُمُوْنَهٗۖ فَنَبَذُوْهُ وَرَاۤءَ ظُهُوْرِهِمْ وَاشْتَرَوْا بِهٖ ثَمَنًا قَلِيْلًا ۗ فَبِئْسَ مَا يَشْتَرُوْنَ ‏

(QS Ali ‘Imron [3]: 187)

Alhamdulillah, urang syukuran ka Mantena tina limpahan rohmat sareng kanyaah-Na, sahingga urang sadayana aya dina kaayaan iman sareng Islam. Sholawat miwah salam kawilujengan mudah-mudahan ku Alloh salamina dicurahlimpahkeun ka panutan alam Rosululloh Muhammad shollallohu ‘alaihi wa sallam, tuladan urang dina ngambah kahirupan. Teu hilap ka kulawargina, para shohabatna, tabi’in, tabi’ut tabi’in, sareng sadaya umatna anu istiqomah ngalaksanakeun sareng merjoangkeun Islam nepika akhir zaman.

Hayu urang terus usaha satékah polah ningkatkeun katakwaan urang sadaya ka Alloh. Taatan Mantena ku cara ngalaksanakeun paréntah-paréntah-Na sarta ngajauhan cegahan-cegahana-Na. Saéstuna ngan ku katakwaan anu bakal nganteurkeun kana kabagjaan urang sadaya di dunya jeung akhérat.

Hadirin jama’ah jum’ah rohimakumulloh,

Islam téh nyaéta agama sampurna, agama anu diridloan ku Alloh subhanahu wa ta’ala. Kukituna, teu aya hiji ogé widang (aspék) dina kahirupan urang anu teu diatur ku Islam. Kumaha urang tuang leueut, jeung pakéan diatur. Kumaha urang ibadah diatur. Kumaha urang mu’amalah diatur. Nepika kumaha kahirupan masyarakat jeung kahirupan nagara, éta ogé diatur.

Henteu ngan ukur diatur, tapi dibéré conto ku Rosululloh shollallohu ‘alaihi wa sallam jeung para shohabat mantena. Kacida pisan nyaahna Alloh ka urang sadaya, supaya urang bisa ngambah kahirupan dunya kalawan salamet jeung engké di akhérat asup surga.

Ngan hanjakal, aya di antara urang anu milih-milih kana aturan Alloh subhanahu wa ta’ala. Hawa nafsu anu jadi ukuran. Nepika leuwih goréng deui, jalma kafir anu jadi panutan. Naha Rosululloh shollallohuu ‘alaihi wa sallam tacan cukup jadi tuladan?

Hadirin jama’ah jum’ah rohimakumulloh,

Alhamdulillah, urang parantos tiasa ibadah ku cara Islam. Sholat, zakat, puasa, nepika haji. Ogé nikah jeung talak, ngabagikeun harta waris, nepika natangga. Tapi kumaha jeung kahirupan ngurus nagara?

Padahal, kahirupan nagara dina Islam téh nyaéta konci pikeun ngatur kahirupan anu leuwih gedé deui. Teu mungkin hukum-hukum Islam bisa tanjeur kalawan hakiki, lamun teu aya institusi anu ngalaksanakeunana. Ku institusi ieu pisan, umat bakal kuat jeung boga tameng sarta panyalindungan tina sagala rupa serangan musuh-musuh Islam. Teu ayana sistem pamaréntahan Islam, syaré’at Alloh disingkirkeun, dihinakeun, nepi dipiceun dina tempat sampah paradaban. Kusabab dianggap katinggaleun zaman.

Padahal, sistem pamaréntahan Islam téh nyaéta warisan Rosululloh shollallohu ‘alaihi wa sallam anu kudu dijaga jeung dilaksanakeun. Timimiti diancurkeun ku Mustofa Kémal Attaturk 3 Maret 1924 atawa (27 Rajab 1342 H), umat Islam sadunya kaleungitan indung. Urang sadaya teu boga deui khilafah, anu saméméhna ngahijikeun sakabéh kaom Muslim ti kulon nepika wétan.

Umat Islam dipaburencaykeun ku penjajah Barat, dumasar kana bangsa jeung nasionalisme. Akhirna lemah jeung teu boga kakuatan dina sagala widang kahirupan. Saéstuna ieu téh teu saluyu jeung tungtunan Rosululloh shollallohu ‘alaihi wa sallam anu ngamistikeun urang sadaya ngahiji, teu ningali suku, bangsa, ras, jeung warna kulit. Urang sadaya nyaéta umat anu hiji. Pangéran urang sadaya hiji, Alloh subhanahu wa ta’ala. Rosul pikeun urang ogé hiji, nyaéta Muhammad shollallohu ‘alaihi wa sallam, sarta kitab suci urang ogé hiji Al-Qur’anul Kariim.

Hadirin jama’ah jum’ah rohimakumulloh,

Rosululloh shollallohu ‘alaihi wa sallam kantos ngadawuh:

فَعَلَيْكُمْ بِسُنَّتِى وَسُنَّةِ الْخُلَفَاءِ الرَّاشِدِينَ الْمَهْدِيِّينَ عَضُّوا عَلَيْهَا بِالنَّوَاجِذِ

“Aranjeun wajib nyekel pageuh kana Sunnah kaula jeung Sunnah Khulafaur Rosyidin anu meunang pituduh jeung pék gégél ku aranjeun maké huntu caréham”. (HR Abu Dawud)

Kanyahokeun ku aranjeun sadaya, Sunnah Khulafaur Rosyidin anu pang pinunjulna tangtu baé nyaéa Khilafah ar-Raasyidah ‘alaa minhaaj an-Nubuwwah. Khilafah ieu mangrupakeun tuluyan tina Daulah Islam (Nagara Islam) anu diadegkeun ku Rosululloh shollallohu ‘alaihi wa sallam tikawit anjeuna hijrah ka Madinah. Ku hal saperti kitu Daulah Islam atawa Khilafah Islam mangrupakeun hiji-hijina sistem pamaréntahan Islam anu diwariskeun ku Rosululloh shollallohu ‘alaihi wa sallam, anu wajib dicekel pageuh ku sakabéh umat Islam.

Wajar lamun sabada mangsa Khulafaur Rosyidin lekasan, kaom Muslim kalawan terus-terusan nuluykeun kapamingpinan Khilafah ieu. Réngséna Khilafah dina mangsa Khulafaur Rasyidin langsung dituluykeun ku Khilafah mangsa Umayah, tuluy mangsa Abasiyah, jeung anu pamungkas mangsa Utsmaniyah. Hanjakalna, dina mangsa Utsmaniyah ieu Khilafah diruntagkeun ku musuh-musuh Islam saabad katukang, saenggeus teu kurang 14 abad lilana jadi institusi anu ngajaga Islam sarta tempat panyalindungan jeung ngaraksa kaom Muslim sadunya.

Hadirin jama’ah jum’ah rohimakumulloh,

Para ulama Ahlus Sunnah wal Jamaah (Aswaja) saéstuna parantos negeskeun yén ngadegkeun Khilafah atawa ngangkat saurang Kholifah pikeun sakabéh kaom Muslim sadunya nyaéta wajib. Kawajiban ieu mangrupakeun Ijma' Shohabat bahkan geus jadi ijma’ kalolobaana ulama. Imam an-Nawawi, salah saurang ulama Aswaja sakaligus ulama mu’tabar mazhab Syafii, dina kitabna, Syarh Shohiih Muslim, anjeuna negeskeun:

وَأَجْمَعُوا عَلَى أَنَّهُ يَجِبُ عَلَى الْمُسْلِمِينَ نَصْبُ خَلِيفَةٍ وَوُجُوبُهُ بِالشَّرْعِ لَا بِالْعَقْلِ. وَأَمَّا مَا حُكِيَ عَنِ الْأَصَمِّ أَنَّهُ قَالَ لَا يَجِبُ وَعَنْ غَيْرِهِ أَنَّهُ يَجِبُ بِالْعَقْلِ لَا بِالشَّرْعِ فَبَاطِلَانِ

“Para ulama geus sapuk (ijma’) yén wajib ka kaom Muslim ngangkat saurang kholifah. Kawajiban ieu dumasar kana katangtuan syaré’at, lain dumasar kana katangtuan akal. Anapon anu diriwayatkeun ti al-‘Ashom yén ngangkat kholifah téh teu wajib, ogé ti salian manéhna yén ngangkat kholifah téh wajib dumasar akal, lain dumasar kana katangtuan syaré'at, mangka dua pendapat éta téh batil”. (An-Nawawi, Syarh an-Nawawi ‘alaa Muslim, 6/291)

Hadirin jama’ah jum’ah rohimakumulloh,

Perhatikeun dawuhan Alloh subhanahu wa ta’ala:

اِنَّمَا يَخْشَى اللّٰهَ مِنْ عِبَادِهِ الْعُلَمٰۤؤُاۗ

“Saéstuna anu pang mikasieun ka Alloh di antara para hamba-Na nyaéta para ulama”. (TQS Fathir [35]: 28)

Nabi shollallohu ‘alaihi wa sallam ogé ngadawuh:

العُلَمَاءُ وَرَثَةُ اْلأَنْبِيَاءِ

“Para ulama téh nyaéta anu ngawaris para nabi”. (HR Abu Dawud sareng at-Tirmidzi).

Mangka sakuduna, para ulama salawasna nembrakeun wawanén nepikeun bebeneran jeung teu sieun ka saha baé ogé salian ka Alloh subhanahu wa ta’ala. Wani nepikeun Khilafah kalawan bener. Jeung teu malah nangtung dina barisan gembong kaom kafir penjajah.

Para ulama perlu ngingetkeun deui tugasna nyaéta ngajelaskeun ajaran Islam —kaasup Khilafah— sajelas-jelasna ka umat manusa. Alloh subhanahu wa ta’ala ngadawuh:

لَتُبَيِّنُنَّهٗ لِلنَّاسِ وَلَا تَكْتُمُوْنَهٗۖ

“Sakuduna aranjeun ngajelaskeun eusi ieu Kitab ka umat manusa jeung ulah aranjeun nyumputkeun”. (TQS Ali Imron [3]: 187).

Leuwih ti kitu, para ulama sakuduna aya di barisan panghareupna perjoangan nerapkeun syaré’at Islam kalawan sagemblengna (kaffah).

Tancebkeun kayakinan dina dada, urang umat Islam bakal mulya ngan ku Islam wungkul. Lain dina sistem jeung aturan démokrasi-sékulér, singsanajan aya dihandapeun payung Piagam PBB. []

بَارَكَ الله لِي وَلَكُمْ فِى اْلقُرْآنِ اْلعَظِيْمِ، وَنَفَعَنِي وَإِيَّاكُمْ بِمَافِيْهِ مِنَ الْآيَاتِ وَالذِّكْرِ الْحَكِيمِ وَتَقَبَّلَ اللهُ مِنَّا وَمِنْكُمْ تِلاَوَتَهُ وَإِنَّهُ هُوَ السَّمِيْعُ العَلِيْمُ، وَأَقُوْلُ قَوْلِي هَذَا فَأسْتَغْفِرُ اللهَ العَظِيْمَ إِنَّهُ هُوَ الغَفُوْرُ الرَّحِيْم

*KHUTBAH II*

اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا

أَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ الْمُسَبِّحَةِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلي وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ

اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآء مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيْنَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمِ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ.

عِبَادَاللهِ ! إِنَّ اللهَ يَأْمُرُبِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ