TINGGALKEUN KADLOLIMAN NUJU KANA KAADILAN ISLAM

 KHUTBAH KAHIJI

إنَّ الْحَمْدَ لِلَّهِ, نَحْمَدُهُ, وَنَسْتَعِينُهُ, وَنَسْتَغْفِرُهُ, وَنَعُوذُ بِاللَّهِ مِنْ شُرُورِ أَنْفُسِنَا, وَسَيِّئَاتِ أَعْمَالِنَامَنْ يَهْدِهِ اللَّهُ فَلاَ مُضِلَّ لَهُ, وَمَنْ يُضْلِلْ فَلاَ هَادِيَ لَهُ,أَشْهَدُ أَنْ لاَ اِلَهَ اِلاَّ اللهُ وَحْدَهُ لَاشَرِيْكَ لَهُ، شَهَادَةَ مَنْ هُوَ خَيْرٌ مَّقَامًا وَأَحْسَنُ نَدِيًّا.

وَأَشْهَدُ أَنَّ سَيِّدَنَا محَمَّدًا عَبْدُهُ وَرَسُوْلُهُ الْمُتَّصِفُ بِالْمَكَارِمِ كِبَارًا وَصَبِيًّا.

اَللَّهُمَّ فَصَلِّ وَسَلِّمْ عَلَى سَيِّدِنَا مُحَمَّدٍ كَانَ صَادِقَ الْوَعْدِ وَكَانَ رَسُوْلاً نَبِيًّا، وَعَلَى آلِهِ وَصَحْبِهِ الَّذِيْنَ يُحْسِنُوْنَ إِسْلاَمَهُمْ وَلَمْ يَفْعَلُوْا شَيْئًا فَرِيًّا، أَمَّا بَعْدُ، فَيَا أَيُّهَا الْحَاضِرُوْنَ رَحِمَكُمُ اللهُ، اُوْصِيْنِيْ نَفْسِيْ وَإِيَّاكُمْ بِتَقْوَى اللهِ، فَقَدْ فَازَ الْمُتَّقُوْنَ.

قَالَ اللهُ تَعَالَى :

يٰٓاَيُّهَا الَّذِيْنَ اٰمَنُوا اتَّقُوا اللّٰهَ حَقَّ تُقٰىتِهٖ وَلَا تَمُوْتُنَّ اِلَّا وَاَنْتُمْ مُّسْلِمُوْنَ‏

(QS Ali ‘Imron [3]: 102)

Alhamdulillah, ka Mantena urang sadaya syukuran tina sagala ni’mat sareng kurnia-Na. Utamana ni’mat iman jeung Islam. Sholawat miwah salam kawilujengan mudah-mudahan ku Alloh dicurahlimpahkeun ka panutan alam Rosululloh Muhammad shollallahu ‘alaihi wa sallam. Teu hilap ka kulawargina, para shohabatna, tabi’in, tabi’ut tabi’in, sareng sadaya umatna anu istiqomah nikreuh ngeureuyeuh ngalaksanakeun sareng merjoangkeun Islam dugika akhir zaman.

Prak geura tarakwa anjeun sadaya ka Alloh kalawan sabener-benerna takwa. Cumponan sadaya peréntah sareng panggero-Na dina sakabéh aspék kahirupan. Jauhan sarta tinggalkeun sanéskanten cegahana-Na dina sagala kasempetan. Ingetkeun, takwa téh nyaéta bekel anu panghadéna sarta ngangkat darajat urang sadaya disisi Mantena.

Hadirin jama’ah jum’ah rohimakumulloh,

Nyaritakeun Muharram teu bisa leupas tina masalah hijrah. Ngan baé, sering pisan hijrah ieu téh dima’naan kalawan heureut, sabatas ngoméan akhlak pribadi, ibadah, atawa mu’amalah. Padahal, hijrah téh leuwih lega tinimbang éta.

Imam Ibnu Qoyyim rohimahulLôh dina kitabna Risaalah At-Taabuukiyah ngawincik aya dua rupa hijrah. Kahiji, hijrah bi al-jismi (hijrah fisik), nyaéta pindah ti hiji nagri ka nagri séjén, nyaéta ti nagara kufur (daar al-kufr) nuju ka Nagara Islam (Daar al-Islaam). Kadua, hijrah bi al-qolbi (hijrah haté) nuju ka Alloh subhanahu wa ta’ala jeung Rosul-Na

Satuluyna Ibnu Qayyim ngajelaskeun yén hijrah téh mibanda kondisi ‘tina’ (min) jeung ‘nuju kana’ (ilaa). Kukituna hijrah haté ngabogaan harti: tina cinta ka salian Alloh nuju kana cinta ka Mantena; tina ibadah ka salian Alloh nuju kana ibadah ka Mantena; tina rasa sieun, miharep jeung tawakal ka salian Alloh nuju kana sieun, miharep jeung tawakal ngan ka Mantena. Kitu pisan sakumaha paréntah Alloh ka satiap Muslim pikeun lumpat sakuat tanaga nuju ka Diri Mantena

فَفِرُّوْٓا اِلَى اللّٰهِ

Prak lumpat aranjeun nuju ka Alloh! (TQS adz-Dzariyat [51]: 50).

Maksudna naon? Usaha satékah polah pikeun ninggalkeun kamungkaran jeung bener-bener ngalakukeun kata’atan ka Alloh subhanahu wa ta’ala.

Hijrah haté ieu utamana kudu dilakukeun ku pangawasa. Kunaon? Kusabab kalungguhan maranéhna nangtukeun haté goréngna rahayat. Imam al-Ghozali nyebatkeun, “Ruksakna rahayat nyaéta kusabab ruksakna pangawasa”. Kusabab kitu para pangawasa kudu aya di jajaran panghareupna dina ninggalkeun sagala kamungkaran saperti: khianat ka rahayat ku cara ngumbar jangji palsu jeung kabohongan, kongkalikong pikeun nguras harta rahayat, ngaluarkeun sagala rupa kawijakan dlolim ka rahayat, ngabeungharkeun diri jeung kulawarga kucara ngamangfaatkeun jabatan, ngantep agama dinistakeun, jeung sajabana.

Hadirin jama’ah jum’ah rohimakumulloh,

Kanyahokeun, saéstuna indungna kamungkaran wanci kiwari lain nga ku pédah disababkeun pribadi-pribadi anu ma’siyat ka Alloh. Kamungkaran zaman ayeuna asalna tina sikep umat anu ngabalieur tina syaré’at Islam. Ieu pisan indungna tina sagala karuksakan anu nyababkeun karuksakan sumebar di mana-mana. Alloh subhanahu wa ta’ala ngadawuh:

ظَهَرَ الْفَسَادُ فِى الْبَرِّ وَالْبَحْرِ بِمَا كَسَبَتْ اَيْدِى النَّاسِ لِيُذِيْقَهُمْ بَعْضَ الَّذِيْ عَمِلُوْا لَعَلَّهُمْ يَرْجِعُوْنَ

Geus nembrak jelas karuksakan di darat jeung di laut disababkeun ku pagawéanana leungeun manusa. Alloh mikahayang supaya maranéhna ngarasakeun sabagéan tina (akibat) pagawéan maranéhna, supaya maranéhna balik deui (kana jalan anu bener) (TQS ar-Rum [30]: 41).

Perhatikeun, akibat hukum pidana Islam teu diterapkeun, rupa-rupa kajahatan mahabu. Kaadilan jauh tina harepan. Rahayat leutik dihukum beurat, anu boga kakawasaan mah dihampangkeun hukumanana.

Akibat aturan jahiliyah anu diterapkeun, kaséhatan rahayat henteu deui jadi perhatian. Undang-Undang Kaséhatan anu anyar justru leuwih nguntungkeun para pangusaha dina widang kaséhatan jeung kacida ngarugikeun rahayat. Nepika rahayat kudu mayar sorangan biaya kaséhatanana ngaliwatan BPJS, tanggung jawab nagara dikurangan jeung dileungitkeun.

Akibat Islam henteu deui dipaké jadi padoman, umat kaancam akidahna. Panistaan agama datang gunta-ganti, anu anyar pisan di Al-Zaytun. Pasualanana, kunaon diantepkeun? Samentara anu bener-bener lempeng berjuang demi Islam kalahkah dibubarkeun.

Sawatara kiwari komunisme kalahkah dibéré angin. Keppres Nomor 17 Tahun 2022 ogé Inpres No 2/2023 nempatkeun PKI salaku korban palanggaran HAM. Hartina TNI jeung umat Islam anu salah. Ieu jelas muterbalikeun fakta.

Hadirin jama’ah jum’ah rohimakumulloh,

Geus waktuna umat ngajadikeun Islam anu jadi dasar kayakinan jeung aturan dina sagala aspék kahirupan; ékonomi, sosial, militer, pulitik, jeung kanagaraan. Ieu kusabab Islam téh nyaéta idéologi anu bener jeung sampurna. Syaré’atna méré panyalindungan kana nyawa, harta, akal, kalahiran jeung katurunan, kahormatan, akidah, kaamanan, sarta nagara.

Kanyahokeun, kaadilan sistem Islam bisa ngawujud lamun umat ngalaksanakeun ieu Islam kalawan sagemblengna (kaaffah). Moal ngawujud kaadilan Islam lamun ajaran Islam ngan dicokot unsur ibadah/spiritualna jeung moralna wungkul. Sabalikna, aturan ékonomi, pidana jeung pulitik Islam disingkirkeun. Anu diterapkeun malah aturan démokrasi jeung kapitalisme.

Miharep pasualan umat bakal bérés ku ngan ngangkat pamingpin anu agamana Islam tapi teu nerapkeun hukum Islam éta mah ngimpi (ilusi). Kabuktian, poé ieu di Nagri urang ieu, pamingpinna Muslim. Anggota déwanna Muslim. Pajabat nagarana Muslim. Tapi, pasualan umat teu daék bérés-bérés. Kunaon? Kusabab syaré’at Islam ku maranéhna teu diterapkeun.

Kumargi kitu, dina moméntum Taun Anyar Hijriyah ieu, waktuna kaom Muslim berjuang pikeun hijrah kalawan sapinuhna, tina sistem anu pinuh kadloliman pindah nuju kana kaadilan Islam. Carana ku nerapkeun syaré'at Islam kalawan sagemblengna (kaaffah) dina papayung khilafah. []

بَارَكَ الله لِي وَلَكُمْ فِى اْلقُرْآنِ اْلعَظِيْمِ، وَنَفَعَنِي وَإِيَّاكُمْ بِمَافِيْهِ مِنَ الْآيَاتِ وَالذِّكْرِ الْحَكِيمِ وَتَقَبَّلَ اللهُ مِنَّا وَمِنْكُمْ تِلاَوَتَهُ وَإِنَّهُ هُوَ السَّمِيْعُ العَلِيْمُ، وَأَقُوْلُ قَوْلِي هَذَا فَأسْتَغْفِرُ اللهَ العَظِيْمَ إِنَّهُ هُوَ الغَفُوْرُ الرَّحِيْم

*KHUTBAH II*

اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا

أَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ الْمُسَبِّحَةِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلي وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ

اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآء مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيْنَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمِ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ.

عِبَادَاللهِ ! إِنَّ اللهَ يَأْمُرُبِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ