BULAN ROMADHON

 اَلْحَمْدُ ِللهِ جَعَلَ رَمَضَانَ شَهْرًا مُبَارَكًا، وَفَرَضَ عَلَيْنَا الصِّيَامَ لِأَجْلِ التَّقْوٰى. أَشْهَدُ أَنْ لَاۧ إِلٰهَ إِلَّا اللهُ وَحْدَهُ لاَ شَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ . اَللّٰهُمَّ صَلِّ وَسَلِّمْ عَلٰى سَيِّدِنَا مَحَمَّدِ نِالْمُجْتَبٰى، وَعَلٰى آلِهِ وَصَحْبِهِ أَهْلِ التُّقٰى وَالْوَفٰى. أَمَّا بَعْدُ فَيَاأَيُّهَا الْمُسْلِمُوْنَ! أُوْصِيْكُمْ وَنَفْسِيْ بِتَقْوَى اللهِ وَطَاعَتِهِ فَقَدْ فَازَ مَنِ اتَّقَى. فَقَالَ اللهُ تَعَالٰى فِيْ كِتَابِهِ الْكَرِيْمِ : أَعُوْذُ بِاللهِ مِنَ الشَّيْطَانِ الرَّجِيْمِ، بِسْمِ اللهِ الرَّحْمٰنِ الرَّحِيْمِ

الَّذِينَ آمَنُوا وَعَمِلُوا الصَّالِحَاتِ فَيُوَفِّيهِمْ أُجُورَهُمْ وَيَزِيدُهُم مِّن فَضْلِهِ ۖ وَأَمَّا الَّذِينَ اسْتَنكَفُوا وَاسْتَكْبَرُوا فَيُعَذِّبُهُمْ عَذَابًا أَلِيمًا وَلَا يَجِدُونَ لَهُم مِّن دُونِ اللَّهِ وَلِيًّا وَلَا نَصِيرًا

Basmallah minangka pamuka lawang

Hamdallah minangka panyimpay rasa

Awor sinareng aosan sholawat minangka kanyaah alloh anu hamo laas, kadeudeuh alloh anu hamo leuseuh mudah mudahan salamina dawam ditetepkeun ka paduka alam kanjeng nabi Muhammad SAW.

Langkung tipayun Khotib wasiyat khusus ka diri pribadi umum kasidang jum’ah anu mulya sumangga urang tingkatkeun kaimanan sareng katakwaan ka Alloh SWT Mudah mudahan ku jalan takwa urang sadayana pinanggih sareng kabagjaan. Aamiin.

Kanggo ngeusian rohangan wasiyyatuttaqwa dina khutbah jum’ah anu ayeuna simkuring bade cobi cobi ngabahas Latihan dina bulan Romadlon

HADIRIN SIDANG JUM’AT ANU MULYA

Ari diantara latihan latihan anu aya dina bulan romadlon nyaeta:

1. Ngalatih disiplin kana ibadah ka Alloh Ta'ala sangkan lurus dina aturan sarta henteu luak lieuk kanu lian, sabab jalma anu bakal ngahontal kabagjaan teh teu aya deui iwalti anu bener bener ngajalankeun hukum jeung aturan pangeran, sakumaha didawuhkeun dina Quran

فَأَمَّا الَّذِينَ آمَنُوا وَعَمِلُوا الصَّالِحَاتِ فَيُوَفِّيهِمْ أُجُورَهُمْ وَيَزِيدُهُم مِّن فَضْلِهِ ۖ وَأَمَّا الَّذِينَ اسْتَنكَفُوا وَاسْتَكْبَرُوا فَيُعَذِّبُهُمْ عَذَابًا أَلِيمًا وَلَا يَجِدُونَ لَهُم مِّن دُونِ اللَّهِ وَلِيًّا وَلَا نَصِيرًا

Ari jalma jalma anu ariman sarta nyieun amal kahadean, maka pikeun maranehna aya ganjaran anu utama, jeung Alloh bakal nambahan tina kurnia jeung nugrahana, sedengkeun ari jalma jalma anu sombong sarta teu daek ngajalankeun agama, maka Alloh bakal nyiksa maranehna kalawan siksa anu pohara, sarta moal aya anu nulungan jeung mere panyalindungan ka maranehna iwalti Alloh Ta’ala.

2. Ngalatih hate sangkan sabar sarta sadar kana kadar nu Maha Ghoffar, sabab dina ngambah ieu kahirupan, ngabutuhkeun kana kasabaran jeung kasadaran, da hirup teh henteu bisa sakahayang sorangan, buktina henteu sakabeh cita cita bisa laksana, henteu sakabeh angan angan bisa tinekanan, sabab ieu kahirupan teh aya anu ngurus jeung ngaturna, atuh lamun diri henteu bisa ngendalikeun hate tangtu bakal kuciwa, maka bulan romadlon ku Alloh dijadikeun arena pikeun ngalatih hate sangkan bisa nyengker tina kahayang anu bertentangan jeung aturan agama, oge bisa sabar tur sadar kana nalika kahayang jeung cita cita henteu laksana.

3. Ngalatih kepedulian sosial ka sasama, sabab Alloh nyiptakeun manusa teh beda beda kaayaanana, ku diwajibkeunana puasa dina bulan romadlon anu di tutup ku ngaluarkeun zakat fitrah, Alloh masihan peringatan ka sadaya manusa sangkan peduli ka sasama.Tapi naha puasa taya tapakna kana jiwa, ku ayana puasa henteu jadi timbul kepedulian ka sasama, sabab puasana lain karana Alloh Taala, malah keur kabutuhan lebaran mah sagala disiapkeun sagala di aya aya, ti anggalna keneh geus tatahar, milu nabung milu paket ngarah lebaran bisa dahar, keler nu di eusi ku rupa rupa kueh geus ngajajar, pakean sakulawarga sing sarwa anyar, tapi kana zakat fitrah mah lebar, sanajan ukur sasabara rebu oge teu ka bayar. malahan sabalikna lamun teu kabagean zakat bari lain mustahikna murang maring ka amilin jeung panitia, atuh iraha jeung dimana kepedulian sosialna Lamun seug beas Zakat anu ku urang dikaluarkeun kudu balik deui ka urang padahal lamun ngartimah Zakat Fitrahteh mangrupakeun daki anu aya dina harta urang.

HADIRIN SIDANG JUM’AT ANU MULYA

Hasil tina ieu latihan latihan dina bulan romadlon mudah mudahan tiasa diaplikasikeun dina kahirupan sapopoe, sahingga ngajadikeun pribadi anu rancage, malah mandar diri henteu wungkul ka tungkul ku nguruskeun urusan duniawi wae, tapi tiasa nyengsarkeun waktu pikeun ibadah ka Alloh sangkan teu talangke, anu ngurus jeung ngarizkian jeung nu nitah kana Shodaqoh supaya teu hese beleke, sangkan salamina di tangtayungan ku rohmat jeung maghfirohna anu maha gede, malah mandar tiasa ngahontal kabagjaan dunya ayeuna rawuh akherat ngke...

اَلْحَمْدُ للهِ وَكَفَى، وَأُصَلِّيْ وَأُسَلِّمُ عَلَى سَيِّدِنَا مُحَمَّدٍ الْمُصْطَفَى، وَعَلَى آلِهِ وَأَصْحَابِهِ أَهْلِ الْوَفَا. أَشْهَدُ أَنْ لَّا إِلهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ. أَمَّا بَعْدُ، فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْعَظِيْمِ وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ فَقَالَ: إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا، اَللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ، فِيْ الْعَالَمِيْنَ إِنَّكَ حَمِيْدٌ مَجِيْدٌ.

اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِيْنَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ، اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَّةً وَمِنْ بُلْدَانِ الْمُسْلِمِيْنَ عَامَّةً، إِنَّكَ عَلَى كُلِّ شَيْءٍ قَدِيْرٌ

عِبَادَ اللهِ، إنَّ اللهَ يَأْمُرُ بِالْعَدْلِ وَالْإحْسَانِ وَإِيْتَاءِ ذِي الْقُرْبَى ويَنْهَى عَنِ الفَحْشَاءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذكُرُوا اللهَ الْعَظِيْمَ يَذْكُرْكُمْ وَلَذِكْرُ اللهِ أَكْبَرُ.